Airola, via portisi
‘a via addò so’ nato,
addò m’aggio ‘mparato
e primme passe
e Mamma mia
contenta e felice diceva:
‘o criatura cammina.
E’ da chillo juorno
miezo munno aggio cammenato,
ma ‘o paese mio
nun me l’aggio maje scurdato.
Ma quanno ‘o penzo,
me vène ‘na malincunia
pecchè nun c’e rimasto
cchiù nisciuno
d’ ‘a famiglia mia.
Ognuno ‘e lloro
‘a ‘lassato pè ‘nu destino
ma tutte ‘e vote
ca io ce torno
‘a primma visita
‘a faccio ‘o camposanto,
cu ll’uocchie ‘nfuse
‘e lacreme,
accatto ‘nu mazzo ‘e rose
e dduje lumine
e’ ‘e metto ‘ncoppa ‘a tomba
e Mamma mia.